Loja Creative Furak sai Patrosinador Lalenok United ba Períodu 2021-2023

By Lalenok United | January 9, 2021 | 0 Comments

 276 total views,  1 views today

Prezidente Lalenok United Sr. Pedro Belo & Diretor Loja Creative Furak Sr. Hendrik

Lalenok United selebra kontratu patrosinador ho Loja Creative Furak iha kampu Lalenok Fatuhada Sábadu dader ne’e ba períodu 2021 – 2023 . Diretor Loja Creative Furak Sr. Hendrik hato’o katak Nia parte hakarak atu kontribui mós ba dezenvolvimentu Futebol iha Timor-Leste, liu husi patrosíniu ba Lalenok United, “Ami hakarak tebes atu kontribui ba dezenvolvimentu Futbol iha Timor-Leste, tamba ne’e mak ami desidi sai patrosinador ba Lalenok United atu bele suporta sira ba  kampeonatu sira ne’ebé  Liga Futebol Timor-Leste organiza, ami kontenti tebes bele serbisu hamutk ho Lalenok United FC”.

Prezidente Klubu Sr. Pedro Belo agradese ba Diretor Loja Creative Furak Sr. Hendrik nia laran luak hodi suporta nafatin Lalenok United “Hau nia agradesimentu ba Loja Creative furak ne’ebé mak disponível atu apoia Lalenok United atu bele joga diak liu tan, liu-liu iha finansiamentu klubu nian atu nune’e bele apoia mós jogador no estrutura klubu nian hodi bele lori Lalenok United ba oin nafatin”. Prezidenti Klubu akresenta mos katak Klubu la’os agora mak ba dala-uluk hetan apoiu husi Loja Creative Furak, maibé dezde Lalenok United promove ba Primeira Divizaun LFA iha tinan 2019, hetan ona apoia husi Kompaña ne’e.

Lalenok United FC selebra kontratu patrosínu ho Loja Creative furak ba Períodu 2021- 2023, no ba futuru sei serbisu hamutuk diak liu tan hodi lori Lalenok United ba oin no bele kontribui ba dezenvolvimentu Futebol iha Timor-Leste.

 

Comment's

Publisidade

0Shares
P