Lalenok United FC sai bareira ba klubu Segunda Divizaun

By Lalenok United | March 9, 2021 | 0 Comments

 253 total views,  1 views today

Foto: Lalenok United FC (oin) & Kablaki FC kotuk

Preparasaun klubu sira iha Segunda Divizaun oras ne’e dadauk la’o namanas, hodi prepara-an ba jogu play off ne’ebé sei realiza iha tempu badak (tuir anunsiu ofisial husi orgaun LFTL katak iha posiblidade atu realiza iha 11/03/2021). Realizasaun Jogu Play Off ne’e ho objetivu atu hetan klubu rua ne’ebé sei promove ba Priemira Divizaun LFTL (Liga Fuebol Timor-Leste) 2021 depois Liga Timorense muda estatu husi Liga Futebol Amadora ba LFTL ho númeru klubu partisipante husi klubu 8 ba 10.

Iha faze preparasaun ne’e, klubu sira hili Lalenok United FC sai bareira ba sira hodi sukat sira nia kapasidade jogu no habilidade liu husi realiza jogu try out iha kampu Lalenok Fatuhada Dili.

Lalenok United FC nu’udar klubu profesionál úniku iha Timor-Leste ne’ebé hetan ona lisensa husi AFC tinan rua tui-tuir malu (2019 & 2020) nafatin hatudu nia protidaun hodi kontribui ba dezenvolvimentu futebol iha Timor-Leste, liu husi fasilita nia kampu treinamentu no jogador sira  hodi halo Jogu Try Out ho Klubu sira ne’ebé mak hakarak koko sira nia kapasidade jogu molok Jogu Play Off ba temporada 2021 hahu.

 

Entidades desportiva hotu-hotu iha dever atu fo kontribuisaun ba dezenvolvimentu futebol iha Timor-Leste, nune’e Lalenok United FC nia misaun la’os deit atu partispa iha Liga no COPA hodi sai kampeaun,  maibé mos liu husi dalan seluk hanesan fasilita no ajuda klubu sira seluk atu bele dezenvolve-an hanesan: Disponibiliza nia fasilidade no Jogador ba Try Out.

 

Durante ne’e Lalenok United FC realiza ona jogu try out ho klubu sira  Segunda Divizaun hanesan tuir mai:

17/02/2021 7: 2
24/02/20212: 0 
26/02/20213 : 1
03/03/20212: 0 
06/03/20214 : 1

Husi Jogu try out hirak ne’e diriji husi asistente treinador Gaspar Amaral nu’udar treinador provizoriu Lalenok United FC nian ba temporada 2021. 

 

Comment's

Publisidade

0Shares
P