Lalenok United FC kontrata hikas jogador favoritu “Soares”

By Lalenok United | January 10, 2021 | 0 Comments

 214 total views,  1 views today

Molok atu jogu temporada 2021 nian hahu, Lalenok United FC kontrata hikas nia jogador sira ne’ebé  kontratu remata ona, inklui Jogador Ítalo Pimentel Soares, depois Nia fila husi nia rai Brazil. Kontratu refere hala’o iha sábadu dader ne’e iha Sede Lalenok United Fatuhada Dili.  

Jogador ho naran koñesidu Soares sei reforsa Lalenok United FC ba temporada 2021 iha Liga no Kopa ne’ebé sei organiza husi LFTL no FFTL no mos jogu internasionál ne’ebé Lalenok sei partisipa iha temporada ne’e hanesan AFC CUP 2021 inklui AFF Club Championship ne’ebé tuir lolos joga ona iha tinan kotuk maibé tamba surtu COVID-19, infelizmente la bele realiza.

Soares joga ona iha Lalenok United dezde 2018 bainhira Klubu sei iha Divizaun daruak LFA, no Nia lori Lalenok promove ba Primeira Divizaun to’o sai triple kampeaun iha tinan 2019 (Kampeaun ba Liga LFA, Taça 12 de Novembru no Super Taça). Rekor úniku ne’ebé Lalenok United marka iha istória Futebol Timor-Leste nian.

Depois tinan ida iha Brazil,  Ítalo desididu atu mai reforsa fila-fali Lalenok United FC. Prezidenti no Estrutura Klubu haksolok tebes ba Soares nia prezensa iha Klubu no iha Esperansa bo’ot katak bele lori Lalenok sai forsa liu tan. 

Comment's

Publisidade

0Shares
P