Fortunato Tavarres & Francisco Savio renova kontratu ho Lalenok United FC

By Lalenok United | January 16, 2021 | 1 Comment

 222 total views,  1 views today

 

Iha periódu transferensia jogador ne’ebé la’o dadauk, Estrutura Lalenok United FC kontinua haforsa plantel klubu nian liu husi renovasaun kontratu ba jogador sira ne’ebé kontratu remata ona iha tinan kotuk.

Sábadu dader ne’e, iha sede Lalenok United Jogador Francisco Minorino da Conceição Sávio no Fortunato Tavarres Belo Gomes renova sira nia kontratu ho klubu ba temporada ida.

Francisco Minorino Savio mai Lalenok United FC iha janeiru tinan 2020 hodi reforsa klubu iha jogu Play-Off AFC CUP 2020 kontra PSM Makassar, no hetan  kontrata ho klubu ba temporada ida. Iha tinan 2020 jogador lateral direita ne’e reforsa mos Lalenok United FC hodi sai kampeaun ba COPA FFTL no TAÇA 12 DE NOVEMBRO. Savio agradese ba klubu ba konfiansa hodi reforsa nafatin Lalenok United ba temporada 2021.

” Hau kontenti no agradese ba Klubu ne’ebé tau nafatin konfiansa mai hau atu joga, hau sei haka’as an nafatin atu bele joga diak liu tan no bele lori nafatin susesu ba Lalenok United FC”

                                                                         Francisco Minorino Savio iha Jogu AFC CUP 2020

Entretanto Fortunato Tavarres Belo Gomes nu’udar guarda rede Lalenok United FC nian dezde klubu harí iha tinan 2016. Tavarres nu’udar jogador veteranu klubu nian ne’ebé lori Lalenok husi Terceira Divisão to’o Primeira Divisão no konsege rekolla ona títulu 5 ho klubu; hanesan LFA 2019, Taça 12 de Novembro 2019, Super Taça 2019, COPA FFTL 2020 no Taça 12 de Novembro 2018. Nu’udar mos jogador ida ne’ebé tuan liu iha Lalenok United, Tavarres agradese ba Prezidenti Klubu ne’ebé fo nafatin oportunidade atu haforsa Lalenok United FC

” Hau agrdese ba konfiansa ne’ebé klubu sei iha mai hau, no espera katak tinan ida ne’e Lalenok United FC bele sai kampeaun tan”

                                                                  Tavarres ho Lalenok United FC iha 2017

Comment's

Publisidade

0Shares
P