Estrutura Lalenok United FC sorumutu ho S.E. Sekretariu Estadu Juventude no Desportu

By Lalenok United | February 6, 2021 | 0 Comments

 511 total views,  1 views today

Prezidente no estrutura Lalenok United hasoru malu ho S.E Sekretariu Estadu ba Juventude no Desportu Sr. Abrão Saldanha, Iha sala reuniaun Sekretaria Estadu Juventude no Desporto, Lecidere Dili.

Iha sorumutu ne’e Prezidente Lalenok United, Pedro Belo atualiza informasaun kona ba Lalenok United FC nia preparasaun ba AFC CUP 2021 ne’ebé sei realiza iha tempu badak.

“Objetivu ami mai iha ne’e atu update informasaun kona-ba Lalenok United FC nia preparasaun  ba AFC CUP 2021 ne’ebé sei realiza iha fulan 28 abril, ami mai hato’o ami nia difikuldade kona-bá preparasaun klubu nian; liu-liu kona-ba rekursu finaseiru no material inklui difikuldades seluk ba Exselensia Sekretariu Estadu atu bele akompaña no hatene ami nia preparasaun ba AFC CUP tinan ida ne’e” Prezidente Lalenok United informa

Entretantu, S.E Sekretariu Estadu ba Juventude no Desportu Sr. Abrão Saldanha apresia ho Lalenok United FC ne’ebé sei reprezenta dala ida tan futebol Timor-Leste iha ASIA.

“Partisipasaun Lalenok United FC nian iha AFC CUP hanesan orgullu ida ba ita Timor-Leste, tamba bele reprezenta ita nia futebol iha nivel Azia. Hau hanoin ne’e hanesan motivasaun diak ida ba klubu sira seluk atu bele halo tuir no bele sai hanesan tarjetu ida mos ba sira atu bele buka atinji”

Relasiona ho difikuldade ne’ebé Lalenok United FC hato’o,  Abrão Saldanha akresenta katak nia parte sei buka  dalan atu koalia ho FFTL atu bele suporta karik iha posibilidade.

Tuir kalendáriu ofisál ne’ebé fo sai ona husi AFC katak Lalenok United FC sei joga hasoru Visakha FC husi Cambodia, liu husi faze prelimináriu ne’ebé sei realiza iha loron 28 fulan abril tinan 2021 no Kona ba avenida ba jogu sei desidi iha tempu badak.

Comment's

Publisidade

0Shares
P