Asistente Treinador Gaspar Amaral Substitui Simón Elissetche

By Lalenok United | December 27, 2020 | 0 Comments

 213 total views,  1 views today

Prezidenti no Estrutura Lalenok United FC, desidi hodi hili asistente treinador Gaspar Amaral ba Treinador Provizóriu, hafoin Treinador  Prinsipál  Simón Pablo Elissetche termina nia kontratu ho klubu iha loron 10 fulan dezembru 2020.

Gaspar Amaral asume kna’ar nu’udar asistente treindaor Lalenok United FC nian durante tinan 3 ona hahu husi 2018, bainhira Klubu sei kompete iha Segunda Divisão LFA to’o 2020.

Treinador nomeadu ne’e nu’udar mos ex-jogador meiu-kampista Lalenok United FC nian iha tinan 2016 no 2017; iha tinan 2018 bainhira retira husi Nia kareira nu’udar jogador, Gaspar hili kedas dalan ba treinador no hahu sai asistente treinador ba Ex-Treinador Lalenok United FC ne’ebé sai triple kampeun iha 2019, Jantje Matmey no Asistente treinador ba nia antesesor Simon Pablo Elissetche iha temporada 2020.

Durante hamutuk ho Lalenok United FC nu’udar asistente treindor, Gaspar mos konsege diriji jogu final ida; Taça 12 de Novempbro époka 2019 ne’ebé ikus mai sai kampeaun.

Iha Kareirra nu’udar treinador futebol, Gaspar Amaral hasai ona kursu lisensiamentu treinador nian “Licence C” husi  AFC (Asian Football Confederation) iha tinan 2018 no oras ne’e dadaun tuir hela kursu lisensiamentu ba “Licence B” husi AFC, ne’ebé prevista sei remata iha fulan abril tinan 2021. Alem kursu lisensiamentu sira ne’ebé iha, treinador Lalenok United FC ne’e hasai mos kursu lisensiatura Futebol nian iha Escuela Internacional de Educación Física y Deporte iha Havana Cuba, 2015. 

Comment's

Publisidade

0Shares
P